Quero, le 25 de martio 2000.

Heri vespera, il era jam le cinque, Hideo me assigna mi muro. Un superficie de 130 centimetros de altessa per 140 cm. de largessa, in un angulo, que face fronte al pariete jam predisponite con le arriccio. Ma mi muro es un pariete finite, jam intonacate e depingite. Que facer? Le amico japonese Kiyoshi me adjuta con le martello. Nos demoli le intonaco. Kiyoshi, architecto, ha plus practica que io.

Clicca pro le continuation del texto.

Ille demoli plus de medie pariete. Io solmente un quarto.
Iste matino, Kiyoshi es retornate in Japon, io es sol con mi muro. "No, isto es troppo!" dice Hideo e ille se provide de mortero, mollia mi muro e coperi le foramines que io ha facite plus profunde. Io debera continuar con le muro humectate e eliminar le ultime quarto de intonaco. "Con le muro humectate es melio", assere Hideo, "e tu debe proceder ab basso verso le alto".